TICKETS
“Diversidade de cores rodéante, sempre vivos e cambiantes.”
OUTONO NO CASTELO
Entre nubes e claros loce o noso castelo no outono.
"O aroma da terra húmida cuberta de follas recíbenos e acompáñanos no noso paseo pola leira. ”
Apréciase o cambio cromático nas árbores caducifolias, nas que o seu verde habitual se tingue de tons dourados e avermellados antes de que caian as súas follas. As camelias de floración temperá anuncian o espectáculo de cor que está por chegar.
“Esperta xa a nosa camelia máis madrugadora.”
Camellia sasanqua“Achéganos a delicadeza da súa cor e o seu aroma.”
Camellia sasanquaO sotobosque sorprende pola súa gran diversidade, no que especies autóctonas forman unha alfombra de distintas cores e formas. Ao alzar a vista, o espectáculo continúa. Ao longo dos anos as e os propietarios do castelo esforzáronse por embelecer o contorno e, para iso, trouxeron especies procedentes de diferentes partes do mundo. Estes exemplares adaptáronse á nosa terra e conviven con especies silvestres e autóctonas.
Quitameriendas“Unha alfombra de especies autóctonas abraza os pés de xigantes procedentes de diferentes partes do mundo.”
Muíño das Afreitas
“Onde a auga move o noso patrimonio.”Dous regatos enriquecen a paisaxe: Porta Cadeira e As Afreitas, que alimenta o noso recentemente restaurado muíño, un patrimonio etnográfico reflexo dun pasado próximo.
Baixo a sombra dos castiñeiros discorre a senda do bosque, un percorrido de pouco máis de 2 km fácil de transitar e perfecto para percorrer en familia. O outono é a súa mellor época, xa que é cando estas árbores dan o seu froito.
“Agora é o momento ideal para pasear polo bosque.”
Árbores caducifoliosTerra, follas e pedras combínanse nunha ruta de 2 km que percorre a parte máis descoñecida do castelo de Soutomaior.
Árbores caducifoliosA castaña estivo moi presente na leira do castelo desde a súa orixe. De feito, o nome de "Soutomaior” fálanos do gran bosque de castiñeiros que rodeaba o castelo xa nas súas primeiras épocas.
Recentemente, recuperaron o seu lugar grazas á repoboación realizada pola Deputación de Pontevedra, cuxo persoal se esmera no coidado e na divulgación dos seus singulares valores.
"O seu froito volve alimentar o noso bosque."
Soto de castañosA importancia de conservar o bosque autóctono é innegable. Este espazo é un pequeno oasis de comida e refuxio para numerosas especies que decidiron asentarse neste lugar e tamén para outras que nos visitan de forma ocasional.
Nesta época do ano moitas aves estivais xa se foron mentres que outras se despiden ata o próximo ano.
“E os pequenos detalles descóbrennos marabillas ocultas.”
Plátanos comúns e ferreiriño negro"A vida ábrese paso en cada recuncho..."
Estreliña riscada "Preparándose para un merecido descanso."
Carrizo común
Papamoscas negro nunha maceira“Son momentos de despedida; caen as últimas follas e as aves migratorias emprenden a súa longa viaxe.”
